Lunedenn (arm-tan)
Ul lunedenn a zo ur benveg a vez montet war fuzuilhoù pe karabinennoù evit gwelet ar sibl a-bell. Implijet e vez er sportoù tennañ, en armeoù hag evit chaseal.
Istor
[kemmañ | kemmañ ar vammenn]![](http://upload.wikimedia.org/wikipedia/commons/thumb/7/7e/Rifle_M1903A4_%2B_Weaver_330C.jpg/220px-Rifle_M1903A4_%2B_Weaver_330C.jpg)
Goude taolioù-esae adalek ar XVIIvet kantved e voe ijinet al lunedenn vodern kentañ evit ar fuzuilhoù etre 1835 ha 1840 e Stadoù-Unanet Amerika. Deskrivet e oa el levr The Improved American Rifle, skrivet e 1844. Savet e oa bet gant Morgan James, un armeurer eus Utica (stad New York), diwar soñj hag alioù un ijinour saoz hag amerikan, John R. Chapman.
E 1855 e krogas al lunedour William Malcolm eus Syracuse (stad New York) da broduiñ e lunedennoù en ur lakaat warne ostilhoù da reoliañ anezhe. E lunedennoù ha reoù graet gant ar bravigour L. M. Amidon (Vermont) a zeuas da vezañ lunedennoù standart ar sniperien gentañ e-pad Brezel Diabarzh Stadoù-Unanet Amerika.[1]
Mont en-dro
[kemmañ | kemmañ ar vammenn]![](http://upload.wikimedia.org/wikipedia/commons/thumb/a/ae/191004-Z-XK920-1026_-_M110_Semi-Automatic_Sniper_System_%28Image_4_of_12%29.jpg/220px-191004-Z-XK920-1026_-_M110_Semi-Automatic_Sniper_System_%28Image_4_of_12%29.jpg)
Sifroù a vez implijet da zeskrivañ he ferzhioù nesañ : ul lunedenn 6-24x50 a sinifi e c'hall brasaat an traoù etre 6 ha 24 gwech hag eo 50 mm treuzkiz he gwerenn. Nozelennoù reoliñ a gaver war ul lunedenn :
- nozelenn reoliñ an driv, a-zehou alies ;
- nozelenn reoliñ an uhelder, a-us alies ;
- a-wechoù e kaver war al lunedennoù resisañ un nozelenn reoliñ evit an oleeunad, war an tu kleiz peurliesañ.[2]
An nozelennoù reoliñ evit an driv hag an uhelder a zo meur a gclick dezhe. Pep click a dalv e vez diblaset ar stok war ar sibl eus ur serten hirder, eztaolet e milimetroù evit al lunedennoù MRAD (a ra gant ar sistem metrek) pe e meutadoù evit ar re MOA (a ra gant ar sistem imperial). Ul lunedenn a ranker reoliñ he "foent zero" a-raok implijout anezhi, da lavaret eo ober e doare ma vefe tennet war ar poent bizet pa lakaer kreiz ar c'hroazlin warnañ.
Kroazlin
[kemmañ | kemmañ ar vammenn]![](http://upload.wikimedia.org/wikipedia/commons/thumb/1/10/Reticles_vector.svg/220px-Reticles_vector.svg.png)
Ur c'hroazlin a zo ur stumm a weler pa seller dre al lunedenn. Ur groaz a c'hall bezañ evit al lunedennoù simplañ. War ar re luzietañ e vez dereziet ar c'hroazlin. Talvoudus eo da chaseourien zo pe d'ar soudarded evit gouzout pegen pell emañ ar pezh a welont.
Daveennoù
[kemmañ | kemmañ ar vammenn]- ↑ (en) The 1860's Target Rifle, Jones Jones, 2000 [1]
- ↑ (fr) Tout savoir sur les lunettes (pevar rann) war chadenn un ijinour ispisializet war an armoù-tan, Les armes et la science by Jérémy, 2021